कविता संग्रह 002 | 01. नाते जपतांना | 02. शोध संपणार कधी? | 03. तू यावे आयुष्यात.. | 04. सुधारणार कधी?

Posted by
Er Aniket B Modake

नाते जपतांना..

हलकासा धक्का काय बसतो

खटकण ! काचेला तडा जातो..
मनाचही अगदी तसंच !
तोच तडा ! मनालाही जातो
स्वतःला सवरण्या आधीच
मन विखुरलं जातं तुकड्या तुकड्यात !
काही कळण्याआधीच नाती
गोती सारं संपत जातं
विखुरलेल्या त्या काचेच्या तुकड्याप्रमाने..
गोळा करायचं म्हटलं तर !
अनवाणी हाताने शक्य होत नाही
ते विखुरलले तुकडे
हाताला जखमा द्यायला लागतात
होणारा त्रास विसरुन !
कितीही एकत्र बांधून ठेवले हे विखुरलेले तुकडे
तरी ते टोचनारच कधी ना कधी
म्हणून मग द्यायचे का फेकून?
फक्त काच असती तर नक्कीच !
पण हे फक्त काचेचे तुकडे नाहीत
बंध आहेत धागे आहेत प्रेमाचे
फक्त तीक्ष्ण झालेत ! सुई च्या धारदार टोकाप्रमाने..
मला खात्री आहे नात्याचे हे धारदार तुकडे !
बदलतील एक दिवस ! मऊ आणि कोमल फुलांमध्ये..
ऊन वारा आणि पाऊस झेलत झेलत
झाडा च्या विखुरलेल्या बियाप्रमाने !
येतील एकत्र गहनरुपी बदलत्या वेळेसोबत..
फुटेल कुठेतरी ! नात्यालाही मायेचा अंकुर
परत एकदा होईल नात्यांची गर्दी
त्या बागेतील रोपट्यांसारखी !
एकत्रित आणि एकसंघ अशी....

------------------------------------------------------

शोध संपणार कधी?

ही गर्दी सारी माणसांची

माणूस माणसातला

ओळखाल कधी?

एक माणूस असा शोधतो मी

सांग माणसा !

हा शोध संपणार कधी?

हाव स्वार्थी जगण्याची

सोडून दे आता

आस स्वार्थ साधण्याची

गरज माणसा !

आज माणूस जपण्याची

सांग माणसा !

हे बदलणार कधी?

ही वेळ माणसाने

माणसा सम जगण्याची

समजुनी एकमेकांना

ठेव जाणीव एकमेकांची

उचित समय येता

गरज माणुसकी जपण्याची

सांग माणसा !

हे बदलणार कधी?

ही वर्दी खोटी माणुसकीची

अरे माणसा टाक झटकूनी

आज माणसात

गरज माणूस शोधण्याची

सांग माणसा !

हा शोध संपणार कधी?

------------------------------------------------------

तू यावे आयुष्यात..

तू यावे आयुष्यात
आयुष्याला बहर यावा !
अबोल माझ्या ! जगण्याला
नवा विषय मिळावा..

तू येता आयुष्यात
आनंदाला उधाण यावे !
तुझ्या माझ्या ! संवादाला
दोन शब्द मिळावे..

तू निरर्थक माझ्या
जगण्याला नवा अर्थ द्यावा !
तू येताना ! आयुष्यात
प्रेमाचा सागर घेऊन यावा..

तू यावे आयुष्यात
तुझ्यासारखा जोडीदार हवा !
तुझ्यासवे ! चालतांना
आयुष्याला रोज नवा बहर यावा..

सुधारणार कधी..

------------------------------------------------------

सुधारणार कधी?

अरे माणसा ! कर्म काय तुझे?

तू फळं रसाळ मागतो

यात मर्म आहे खूप मोठे !

सारे कर्म तुझे निसर्ग पाहतो

वृक्ष देतो प्राणवायू

तू फळेही त्यांचीच खातो

करू पाहतो तू प्रगती !

कत्तल ! त्याच झाडांची करतो

चैन हवी तुला

तुला ऐसपैस गाडी ही हवी

मौज-मजा-मस्ती साठी !

तू बघ प्रदूषण किती वाढवतो

निसर्ग कोपतो आहे

हा कोरोना आहे त्याचीच नांदी

वेळ अजून हातात आहे !

सांग स्वतः ! तू सुधारणार कधी?

LEKHANIMITRA

FACEBOOK | INSTAGRAM | YOUTUBE